شخصية غريبة.. نبيلة عبيد تكشف تفاصيل مسلسلها السعودي "جذوة"

كشفت النجمة نبيلة عبيد عن تفاصيل عودتها للدراما بعد غياب من خلال مسلسل سعودي مصري بعنوان "جذوة".

وقالت نبيلة عبيد خلال لقاء مع ET بالعربي: "الدور غريب عليا أنا عاملة حاجة وتسعين فيلم مجاليش دور كده، مش هحكي عنه، هي شخصية غريبة جدا أنا معملتش اللون دا أبدا قبل كده".

وأضافت: "والله السيناريو لسه بيتكتب لكن هي بدأت بالمصرية معرفش إيه التطور اللي استاذ خالد عامله ممكن تتكلم سعودي ودي حاجة حلوة".

وعن سبب غيابها، أوضحت نبيلة عبيد: "مفيش إحسان عبد القدوس ووحيد حامد ومحمود أبو زيد ومصطفى محرم الكتاب الكبار، اللي كنت من خلالهم بقدم أعمالي القوية، الأجيال اللي موجودة ممكن تكون مش بتكتب ليا بتكتب للأجيال الجديدة، أنا اللي كان بيكتبلي الأجيال اللي فاتت اللي رحلت يمكن عن الجداد حاجات تمشي مع الجيل الحالي لكن أنا أتمنى اشتغل مع الجيل الجديد وتكون في شخصية مناسبة ليا".

واختتمت: "أتمنى أشارك في عمل من تأليف المستشار تركي آل الشيخ، وأقوله أنت أسعدتنا وأسعدت الناس كلها ربنا يديلك طولة العمر، عمل الحاجات اللي متتعملش، اتفرج شوف الشاشات عاملة إزاي شوف الأعمال والناس اللي بتشتغل مسرح وسينما وتليفزيون وبرامج شوف الحالة اللي حاصله،عمل حاجات متتعملش، بوجه تحية كبيرة".