أحمد سعد يرد على انتقادات ظهوره بـ "حلق": ملهاش علاقة بالرجولة

أثار النجم أحمد سعد، خلال الايام الأخيرة، ضجةً كبيرة عبر مواقع التواصل الاجتماعي والسوشيال ميديا بعد ظهوره بـ "حلق" في حفل توزيع جوائز الـ Joy Awards، مما عرضه لموجة من الانتقادات.

ورد أحمد سعد على تلك الانتقادات خلال لقائه في برنامج "الحكاية" مع الإعلامي عمرو أديب، قائلًا: " الفكرة نفسها بتجيلي من الشكل أو الموديل بتاع الستايل اللي أنا عامله في الوقت دا، نرجع نشوف طب هو صح طب هو غلط، أنا لما شفت أن هو صح ولا غلط أنت هتبص للراجل على أنه بحلق أو مش بحلق أو بشعر ولا مش بشعر، دي كلها ملهاش علاقة بالرجولة دي ليها علاقة بالذكورة، والذكورة تختلف عن الرجولة بكتير".

وأضاف: "أنت بتبص على البني آدم وبتقيمه بلابس إيه وبيعمل إيه؟ أنا مش من الناس دي، ولكن أنا اعتذرت عن أني لبست الحلق، الناس لما شافته انتقدت كتير جدا وأنا طلعت اعتذرت والناس بتقول هو كل شوية يعمل حاجة ويطلع يعتذر".

واستكمل أحمد سعد: "أه كل شوية هعمل حاجة وأطلع اعتذر، المشكلة أن ألاقي الناس كلها شايفين حاجة في اتجاه، الناس اللي أنت عايش في وسطهم شايفين حاجة وأنت لأ شايف حاجة تانية، الناس اللي بنتقد وبتوجهني أنا عايش وسطهم اللي يرفضوه أرفضه واللي يقبلوه أقبله أنا مش عايش لوحدي ولكن أنا بتجيلي هفوات زي أي واحد".