منة شلبي عن شائعات زواجها: "معرفش خيال مين المريض ده"

أوضحت النجمة منة شلبي، سبب خروجها ونفيها أخبار زواجها رغم أنها لا تهتم بالشائعات التي تكتب عنها، مثل ما قالت قبل ذلك.

منة شلبي

وأضافت منة شلبي: "لقيت مكتوب زواج أسطوري، واتجوزت في السر أنا مبهتمش بأي حاجة بتتقال، لحد ما لقيت أبويا بيقولي إيه ده، دي الحاجة اللي خلتني أرد، إزاي اتقال كده أنا معرفش خيال مين المريض اللي قال كده".

كما كشفت منة شلبي عن الأمنية التي سوف تطلبها إذا التقت بمارد، قائلة: "لو قابلت المارد هطلب منه أنه يوقف الحرب ولو في طلب تاني يبقى أني أعثر على شريك حياة مخة نضيف ومحترم".

وعن رأيها في إجراء عمليات تجميلية، قالت منة شلبي: "الممثلات لازم يحافظوا على أن شكلهم يبقى أصغر دا حقيقي، الممثل أو الممثلة لازم يحافظ على أن شكله يكون كويس وأصغر من سنة ده في العالم كله لأن شغله قايم جزء كبير منه بعد موهبته على شكله وصحته، كونك تبان أصغر من سنك الحقيقي يخليك تعمل أدوار أكتر، لكن اللي بنختلف فيه قد إيه أنا أحس روحي عندي كام سنة وأنا عارفة أنا عندي كام سنة، في وعي إني مش هقدر أعمل حاجة بتعملها بنت عندها 16 سنة بس أنا جوايا طفلة تقدر تتنطط زي بنت عندها 16 سنة، أنت تقدري تشوفي إيه ينفع تعمليه".

واستكملت: "السخيف أن تعملي حاجات في وشك وجسمك والناس بعد ما حبتك متبقاش عارفاكي، مينفعش بعد ما الناس تديكي حب انتي فجأة تغيري شكلك".

على الصعيد الآخر، كان المخرج طارق العريان، قد أعلن أنه بصدد بدأ التحضير للجزء الثاني من فيلمه الشهير "السلم والثعبان" بأبطال جدد، قائلا: "سأبدأ خلال شهر التحضير للجزء الثاني من فيلم (السلم والثعبان)، قصة جديدة لـ(أحمد وملك)، عمرو يوسف ومنة شلبي" وآخرين.