ملك تقيم دعوى نفقة ضد زوجها بمحكمة الأسرة.. والسبب «حماتها»

«حماتي بتغير مني ومن بناتي، تعبت منها ومن جوزي، بسبب حماتي جوزي بيرفض يصرف علينا، حتى لو محتاجين علاج، منهم لله»، كلمات بررت بها الزوجة "ملك. ع" إقامة دعوى نفقة أمام محكمة الأسرة، للمرة الثانية لتحاول أن تحصل على حقوقها المادية من زوجها، الذي يرفض الإنفاق عليها وأطفالها طاعة لكلام والدته التي لم تتقي الله في زوجة ابنها، ودمرت حياتها، ولم تتذكر كون الزوجة حامل في حفيدها.

وقالت الزوجة في دعوى النفقة التي أقامتها ضد زوجها، أمام محكمة الأسرة، إنها تزوجت منذ عامين ونصف، لتقرر بعد معانا طويلة اللجوء إلى محكمة الأسرة مع ابنتها وبداخل رحمها طفلة أخرى، «أنا متجوزة من سنتين، سايبه البيت لجوزي من شهر، معايا منه بنت واحدة وحامل في التانية، مكنش جواز صالونات هو شافني وأعجب بيا واتقدملي واتجوزنا على طول، وخلال السنتين مشفتش منه يوم حلو».

وتابعت الزوجة في دعوى النفقة التي أقامتها ضد زوجها، أمام محكمة الأسرة، أنها منذ بداية زواجها والخلافات قد بدأت بسبب والدة زوجها، « أهله كانوا بيسلطوه عليا وبيكرهوني من زمان، على طول كانوا بيعملوا مشاكل معايا بسبب ومن غير سبب وكانوا بيقولوا إني قلت كلام كدب، وكانوا سبب المشاكل بيني وبين جوزي».

وأضافت الزوجة في دعوى النفقة التي أقامتها ضد زوجها، أمام محكمة الأسرة، «مشاكلي مع أهله كانت كتير أمه كانت بتغير إنه بيخرجني ومش بيخرجها، ومكنتش بتخليه يصرف عليا أي حاجة وأخر ما زهقت من بخله رفعت عليه قضية نفقة، اتصالحنا لما الأهالي اتدخلوا، مضى على ورق إنه هيصرف بعد كدة لكن بعد فترة مبقاش يدفع أي فلوس».

واختتمت الزوجة حديثها في دعوى النفقة التي أقامتها ضد زوجها، أمام محكمة الأسرة،  «لما رجعت المشاكل مع أهله كانت مستمرة وكنت بحاول أتجاهلها، لكن الخلافات كانت بتزيد، على طول في مشاكل كان بيطلع من عند أمه مش طايقني ولما اكلمه وأقوله مالك، وحالك مش عاجبني، يقولي مش عاجبك روحي المحكمة واشتكيني، لحد آخر مشكلة كنت محتاجة فلوس عشان أروح أكشف على الحمل، وأمه رفضت إنه يديني أي فلوس وهو وافقها كالعادة، وقتها رحت عند أهلي ومسألش فيا من ساعتها، وجيت أرفع قضية نفقة تاني».