«طردوني من شقتي».. شهد في دعوتي نفقة وأجر مسكن داخل محكمة الأسرة

«أهل جوزي طردوني من شقتي، ضربوني وبهدلوني وخطفوا مني عيالي، وفي النهاية جوزي متحركش»، كلمات ألقتها الزوجة "شهد.ط"، أمام محكمة الأسرة، وهي  تطالب بنفقتها وطفليها بالإضافة إلى أجر مسكن، بعدما شهدت الحسرة والقسوة في زيجتها بسبب طمع أهل زوجها -على حد قولها-.

بدأت الزوجة برواية قصتها أمام محكمة الأسرة في دعوتي النفقة وأجر المسكن، بأنها تزوجت ابن عمها وأقامت معه بمنزل غائلته، ولكن بعد الزواج اكتشفت أن زوجها شخص غير مسئول ولا يمكنه حمايتها من أهله،  «المفروض إنهم أهلي بس بسبب خلافات حصلت بين أمي وزوجة عمي كلهم كرهوني، وبدأوا يتعاملوا معايا بطريقة وحشة، وجوزي مش بيرد عليهم، ولا بيدافع عني».

وتابعت الزوجة برواية قصتها أمام محكمة الأسرة في دعوتي النفقة وأجر المسكن، بأن الحياة كانت مستمرة مع زوجها رغم المشاكل الكثيرة التي عانت بسببها،« كنت بقول جوزي محترم وحنين وبيحبني وده كفاية، وبيصرف عليا ومش بيرفض ليا طلب، عمر ما فيه مشكلة حصلت بيني وبين جوزي غير بسبب أهله وبيت العيلة، بس دايما كنت بعديها وأقول عشان خاطر جوزي وعيالي».

وقالت الزوجة برواية قصتها أمام محكمة الأسرة في دعوتي النفقة وأجر المسكن،« أهل جوزي كانوا دايما يقولولي مش عاوزينك انتي خلفتي خلاص وملكيش لزمة، كل ده استحملته لكن المشاكل بدأت لما أخو جوزي رجع من السفر بعد ما كان مسافر بيشتغل بره، هو اللي مبقاش طايقني وضربني وطردني من البيت لأنه مش عايزني في بيت أهله».

واختتمت الزوجة برواية قصتها أمام محكمة الأسرة في دعوتي النفقة وأجر المسكن، «ضربني وطردني قدام جوزي وهو مقدرش يتكلم مع أخوه أو يكسر كلمته سابه طردني ومتكلمش، 9 شهور قاعدة في بيت أهلي أنا وعيالي، ومن ساعتها هو مسألش فينا ولا صرف علينا جنيه، وأهله مصممين إني مرجعش ولا أدخل البيت تاني ولسه متطلقناش لحد دلوقتي ورفعت قضية نفقة وأجر مسكن».

وأمام تعنت الزوج قررت الزوجة اللجوء إلى محكمة الأسرة لإقامة دعوتي نفقة وأجر مسكن لا ولطفليها.